බුදුන් වහන්සේ උදෙසා වූ වැදගත් ස්ථාන වන්දනා කිරීම ම පරමාර්ථයක් කොට ගෙන සැලසුම් කරන ලද චාරිකාවකි. මනා කාල කළමණාකරනයක් මෙන්ම සියලුම කටයුතු නිසි පිලිවෙලක් අනුව සකස් කර තිබුණි. එබැවින් සැදැහැ සිතින් වන්දනාව සදහාම සහභාගි විය හැකි අග්‍ර ගන්‍ය චාරිකාවක අත්දැකීම් ලැබුවෙමි. මෙවැනිම අත්දැකීම් ලබා ගත හැකි වෙනත් චාරිකාද සංවිධානය කිරීම ඉතාමත් සතුටුදායක බව පවසන අතර ඒ සදහා සහභාගී විමටද බලාපොරොත්තු වෙමි. ඔබ ආයතනය දිනෙන් දින දියුණුවේවායී ප්‍රාර්ථනා කරමි.

මෙතෙක් දිනක් කිසිවෙකු හෝ මගෙන් විමසුවේ නම් ජීවිතයේ හොදම චාරිකාව මා පවසා සිටියේ රාජකාරියේ නියැලී සිටියදී කාර්යාලයෙන් වාර්ෂිකව රැගෙන යන චාරිකාවයි. එහෙත් මින් පසුව කිසිවකු මේ පිළිබදව විමසුවහොත් මා එක හෙලාම ප්‍රකාශ කරන්නේ හොදම චාරිකාව මෙම දඹදිව චාරිකාව බවයි. වන්දනා චාරිකාවක් වුවත් ජීවිතයේ ලැබිය යුතු සෑම අත් දැකීමක්ම එහි ගැබ්ව පැවති බව නොබියව පවසමි. ඔබ තුමාගේ මීලග මැලේසියාව හා මියෙන්මාර් චාරිකාව සදහාද මා සහභාගී විමට තීරණය කලෙමි.

මගේ ජීවිතයේ සිහිනයක්ව පැවති දඹදිව වන්දනා චාරිකාව ඉතාමත් සාර්ථකව සැබැවින්ම සිදුවීම ගැන ඉතාමත් සතුටුයි. ජීවමාන බුදුරජුන් වන්දනා කලා යන සතුට මට දැනේ. මේ චාරිකාව ගැන මගේ මරණය දක්වාම පුන පුනා සිතමින් පිං රැස්කර ගනිමි. මා රැස් කර ගන්නා ඒ පින නිතැතින්ම උදුල ආයතනයේ සංවිධායක අනිල් ජයවර්ධන මහතා ඇතුලු පවුලේ සැමට අනුමෝදන් වනු ඇත. නැවත වතාවක් සාංචිය ප්‍ර දේශයද ඇතුලුව දඹදිව වන්දනා චාරිකාවකට උදුල ආයතනය සමගින් සම්බන්ධ වීමට මට ලැබේවායි පතමි.

දඹදිව චාරිකාව මනා සංවිධානය, සැලසුම් කිරීම, මග පෙන්වීම, පිරිස් කළමනාකරණය, හොද නායකත්වයකින් හා සහභාගිවන්නන්ට අපහසුතාවයකින් තොරව දින 13 ක් තග කිරීමට හැකි වීම ඉතා අගය කරමි. බෞද්ධ සිද්ධස්ථාන නැරඹීම තොරතුරු පැහැදිලි කිරීම ආගමික වතාවත්, පිරිසිදු ජලය හා ආහාරපාන ලබා දී සැදැවත් සිතින් මෙම චාරිකාව නිමා කිරීමට හැකිවීම පිළිබදව අනිල් ජයවර්ධන මහතා ඇතුලු කාර්ය මණ්ඩලයට ගෞරවනීය ස්තුතිය පිරිනමමි.

මෙම ගමන ඉතාමත් අගනා බව ප්‍රකාශ කරමි. එමෙන්ම ඉදිරියටත් මෙම සත් ක්‍රියාව කරගෙන යාමට ශක්කිය ධෛර්යය ලැබේවායී ප්‍රාර්ථනා කරමි.

ඉතාමත් සාර්ථක ගමනක අත්දැකීම් ලැබුවෙමි. දඹදිව සියලු සිද්ධස්ථාන සියැසින් දැක බොහෝ පිං රැස්කර ගැනීමටද ජීවිතයට යමක් ඉගෙන ගැනීමේ වාසනාවද ලැබුණි. උදුල ආයතනයේ අනිල් ජයවර්ධන මහතාට බොහෝ පිං ලැබේවා.

දඹදිව වන්දනා චාරිකාවේ ආරම්භයේ සිට අවසානය දක්වාම මනා සැලසුමක් හා සංවිධානයක් තිබීම මෙම ගමනේදී මා දුටු විශේෂම ලක්ෂණයයි. ඔබතුමා ඉතාමත් කැපවීමෙන් තමන්ගේ කෙනෙකු මෙන් කණඩායමේ සියලුම දෙනා කෙරෙහි අවධානය යොමු කරමින් පරිපූර්ණ වන්දනාවේ අත්දැකීමක් පමණක් නොව මනා ජීවිත අවබෝධයක් ලබා දීමත් ඔබතුමා සතුව පවතින සහජ කුසලතාවය තව තවත් ඔප් නංවන්නට ඔබතුමා කරන සියලු කුසලයන් හේතුවේවායී ඉත සිතින්ම ප්‍රාර්ථනා කරමි.

වන්දනා ගමන ඉතා විශිෂඨයි. ඔබතුමගේ විශේෂ කුසලතා හේතුවෙන් අප ජීවිතයේ මෙතෙක් අත් නොවිදි බෞද්ධමය කරුණු ඉගෙනගත් අතර ඒවා සදා අමතක නොවේ. ජීවිතයේ අවසන් මොහොතේ චුති සිතට මෙම කුසලය පහල වේවා.

ඔබතුමා විසින් සංවිධානය කරන ලද දඹදිව වන්දනා චාරිකාවට සහභාගීවිමට ලැබීම ජීවිතයේ ලද ඉහලම භාග්‍යයක් සේ මට දැනේ.චාරිකාවේ මූලික අරමුණ සෑම දිනකම ආරම්භයේ සිටම නොබිදී ක්‍රියාත්මක වූ බවද සතුටින් කියමි. වන්දනා කටයුතු, ශීල සමාදාන වැඩ සටහන ඉතා උසස් ලෙස කිසිදු අඩුපාඩුවකින් තොරව සිදුවුණි. සංවිධායකවරයෙකු, කළමණාකරුවෙකු, පියෙකු, සහෝදරයෙකු, මාර්ගෝපදේශකයෙකු ලෙස ඔබගේ භූමිකාව ඉතා ප්‍රශස්තය. ආහාරපාන, ඉදුම්හිටුම්, පානීය ජලය සැපයීම ප්‍රශංසනීයයි. අපට දැනුන මානසික සහනය ඉතා ඉහලයි. මේ සදහා කැපවුන ඔබට පවුලේ සැමට දහස් වාරයක් පිං අනුමෝදන් කරමි.

ඉතා සාර්ථක වන්දනා ගමනක් අතර සෑම සිද්ධස්ථානක්ම හොදින් වන්දනා කරවන ලදී. වටිනා ධර්ම කරුණු කියාදෙමින් අපව ධර්මාවබෝධය කෙරෙහි යොමුකරවන ලදී. ඔබතුමා විසින් කරගෙන යන මේ උතුම් කාර්ය දිගටම කරගෙන යාමට ශක්තිය ධෛර්යය ලැබේවායී ප්‍රාර්ථනා කරමි. මෙවැනි වන්දනා ගමනක් වෙනත් රටවල් සදහාද සංවිධානය කරන මෙන් ඉල්ලමි.

අගෝස්තු 30 න් ආරම්භ කල මොහොතේ පටන් අවසානය දක්වාම සෙවනැල්ල අප අතහැර නොයන්නා සේම ඔබතුමා සැම මොහොතකම අපට මග පෙන්වමින් අපව ධර්මය කරා යොමු කරවීමට ගත් උත්සාහය ඉතාමත් සාර්ථක එකක් විය. මීට පෙර මා ගිය චාරිකාවලදී නොලැබුණ අත්දැකීම් සමූහයක් ලබාදුන් අති සාර්ථක චාරිකාවකි. අනෙකුත් බෞද්ධ රටවල චාරිකා සංවිධානය කරමින් අපව තව දුරටත් ධර්ම මගට යොමු කරවා ගැනීමට කටයුතු කරන්නේ නම් යෙහෙකි. ඉදිරියෙදී එවැනි අවස්ථා බලාපොරොත්තු වෙමි.

මා මීට පෙරද දඹදිව වන්දනා චාරිකාවකට සහභාගී වී ඇත්තෙමි. ඔබතුමාගේ චාරිකාවේදී මා අත්දුටු විශේෂත්වය නම් අනෙකුත් සංවිධායකයන් මෙන් නොව ඔබතුමා අප හා වන්දනා කටයුතුවල සක්‍රීයව දායක වීමයි. භාග්‍යවතුන් වහන්සේ පිළිබදව ශ්‍රී සද්ධර්මය හා ආර්ය මහා සංඝ රත්නය පිළිබදව අචල ශ්‍රද්ධාවක් සැම කෙනෙකුගේම සිතෙහි සනිටුහන් කිරීමට ගන්නා අපමණ වෙහෙසයි. ධර්මය පිළිබදව පවත්නා දැනුම් සම්භාරය අන් අයට ආදර්ශයකි. වෙනත් බෞද්ධ රටවලටද ගමන් සංවිධානය කරන්නේ නම් සහභාගී විමට බලාපොරොත්තු වෙමි.